música

Em princípio é o nome do primeiro disco de Ukestra do Medio. A formación compostelá prepara para decembro a presentación do seu primeiro traballo con tres datas na capital británica

No ano do punk, Galiza tamén viviu a súa particular revolta musical. Pero foi de signo distinto. Emilio Cao publicaba o seu primeiro elepé, o mítico Fonte do Araño, e a música galega non volveu ser a mesma. O celtismo entraba pola porta grande e a relectura do folclore tinxíase de rock progresivo. "Este disco precisaba ser reeditado", afirma Nonito Pereira, do selo Polyrock e responsábel da nova versión en vinilo, "é algo totalmente vixente, tremendo".
 

Esposa, cuarteto de pop rítmico e por veces desbocado con base en Compostela, representará Galiza no festival Suns Europe. O certame, dedicado ás “artes escéncias en linguas minoritarias”, celebrarase en Udine, no Friul, entre o 30 de novembro e dous de decembro.
 

O ex-cantante de Obrint Pas recala esta sexta feira en Galiza para presentar o seu primeiro traballo en solitario, ‘Amb la esperança entre les dents’. Falamos con el de música en catalá, literatura, creación musical ou a escena musical valenciá.

O derradeiro pase do espectáculo Chané na Habana será en Melide este sábado. O concerto recupera a figura do compositor José Castro González no centenario do seu pasamento. Co pianista cubano Alejandro Vargas como líder, contará coa voz de Rosa Cedrón, cun quinteto e cunha camerata de cordas para ofrecer unha visión nova e desprexuizada da obra do músico.
 

E isto é o amor (Discos da Máquina, 2016) é o segundo álbum de Caxade, depois do sucesso d’A dança das moscas, (Discos da Máquina, 2013), a renovação da música galega mais popular. Em E isto é o amor encontramos sons doces, minimalistas, que se movimentam entre o indie, o folk e o jazz, e onde os ventos, o acordeão, a percussão e os sintetizadores criam ritmos que têm o seu cerne na música tradicional galega, indissociável a Caxade. Eles são Alonso Caxade, voz e acordeão; Manu Espinho, bombardino; Manu Paino, trompeta e carillón; e Xosé Tunhas, bateria. Eis um extracto da conversa publicada no Sermos 269.

A biodiversidade musical en Galiza parece a salvo. Polo menos, de atender ás propostas do I Certame de Música Galega da Universidade de Compostela, que celebrou onte, segunda feira, a súa gala final no Teatro Principal da capital. Noemia, unha cantautora de delicada e potente voz, e 17 anos, fíxose co primeiro premio.
 

Un dos últimos representantes da xeración orixinal de cantores de intervención latinoamericanos, o uruguaio Daniel Alberto Viglietti Indart, morreu onte en Montevideo. Tiña 78 anos. Unha vintena de elepés conservarán a súa voz, que cantou en todo tempo e lugar a prol das explotadas e os condenados e que se fixo particularmente célebre con dúas obras elaboradas co poeta Mario Benedetti.
 

A tese de que o rock & roll é, en última instancia, unha música de orixe afroamericana tiña en Fats Domino unha proba evidente. Onte morreu, aos 89 anos, en Harvey, Luisiana, onde residía desde que en 2005 abandonara Nova Orleáns. O furacán Katrina devastara a cidade cuxos ritmos Domino introducira na receita orixinal do son que, nos anos 50, mudou para sempre o século XX. Apenas, de entre os pioneiros do rock & roll, sobrevive Jerry Lee Lewis.
 

P.P. Arnold, heroína do rhythm and blues localizado na Inglaterra dos 60, abre esta quinta feira a o festival Outono Códax en Santiago de Compostela. Celebración das músicas negras de toda condición, polo certame, que acollerá a Sala Capitol e que se estende ate o 18 de novembro, desfilarán bandas de soul, ska, ou rock & roll clasicista.
 

Unha das bandas de máis sona da avalancha folk dos anos oitenta, sección celta, estará esta quinta feira no Teatro Rosalía da Coruña. Catro anos despois do seu último disco -At the heart of it all (2013)-, co que celebraron 30 anos nos escenarios, os escoceses Capercaillie pisarán Galiza para amosar a súa particular mestura de folclore e arranxos máis ou menos contemporáneos.
 

Rock duro segundo o libro de estilo dos anos 70. Eis a síntese apurada de 20-20, o disco co que os John Deeres regresan aos escenarios. "Xiramos cara ao rock & roll, cara ás nosas referencias de sempre", explícase Reices, o teclista da banda da Estrada. Esta cuarta feira presentan o traballo en Compostela, canda Pito de Pikasso e Soul Maxín.
 

Tom Petty percorreu o camiño que vai do pop enerxético dos seus inicios ao rock arraizado na gran tradición norteamericana en apenas dez anos. Da mesma estirpe que John Cougar Mellencamp ou Bruce Springsteen, herdeiros de Dylan que non puideron ignorar o punk, Petty morreu onte aos 66 anos nun hospital de Santa Mónica, California, logo de sufrir un infarto.
 

Máis de seiscentos músicos galegos apoian un manifesto, difundido a través das redes sociais, que chama a defender "o dereito a convocar unha consulta democrática para decidir sobre a autodeterminación dun pobo". Deles, unha boa parte participan no rexistro dunha versión de L'estaca que verá a luz antes do sábado.

O rock progresivo de vontade punk de Igmig, os experimentos coa voz e o loop de Mounqup, a electrónica cadrelada con poesía oral de Cintaadhesiva, o proxecto individual de Néstor Pardo -ex da banda de rhythm & blues The Allnight Workers- e o folk de Samarúas son as cinco propostas que esta sexta feira, na sala Malatesta de Compostela, optan ao premio Fran Pérez Narf convocado pola Deputación da Coruña.

Chega a Santiago de Compostela unha nova edición do ‘Rock is Dead Fest’. Este sábado 9 de setembro, máis de doce horas de música en directo e actividades de balde orientadas aos máis cativos da familia, van facer que o Parque de Belvís se converta nun gran escenario e festa!

Nas marxes hai vida. E nas marxes da música habitual, tamén. Esa parece ser a máxima que guía os programadores do Festival WOS, que esta cuarta feira arrinca en Santiago de Compostela cun arriscado cartaz a medio camiño entre as vangardas, a electrónica avanzada e as denominadas músicas urbanas.
 

A Romaría de Santa Margarida remata a semana da música e do baile tradicional na Coruña, que gaña espazo, recoñecemento social e adeptos de todas as idades. Na cidade, gaiteiros e bailadores están máis presentes que nunca nas rúas mentres Radio Cos e Luar na Lubre axudan a manter viva a chama, un tanto apagada, do folk.     ​

Co sábado, chega un dos días máis agardados do Festival Revenidas, con sardiñada popular, rueiros e os concertos durante a noite de Doen, Riot Propaganda, Desakato, Skindread, Pupil-Les e Dakidarría. E o domingo, moito máis.