Un conato de incendio declarado entre dous coches dun tren que cobre a liña entre A Coruña e Vigo obrigou a atrasar a saída do servizo desde a estación da cidade herculina durante 40 minutos. O tren tiña prevista a súa saída ás 9 horas desta sexta feira da estación da Coruña con destino a Vigo, mais a declaración dun pequeno incendio obrigou a desaloxar o tren e estabelecer medios alternativos, segundo trasladaron fontes de Renfe. O incidente atrasou a saída do servizo, que, finalmente, puido partir da Coruña ás 9.40 horas.
Un desprendemento de rochas sobre a vía provocou o corte da circulación ferroviaria esta sexta feira en Miño (As Mariñas) durante case catro horas. Segundo informou Adif, o tráfico quedou restabelecido minutos antes das 13 horas, catro horas despois de que un tren da liña Ferrol-Betanzos-Infesta-Lugo sufrira unha avaría ao impactar contra unhas rochas.
O incidente produciuse ás 9.30 horas á altura da ponte romana de Perbes e obrigou a que os pasaxeiros e as pasaxeiras (ningunha resultou ferida) foran trasladados por estrada para que puidesen continuar a súa viaxe noutro tren.
Fontes de Renfe e do Ministerio afirman que “non é posíbel” fixar unha data definitiva de inicio do servizo, a diferenza do que prometeu o ministro Puente en xaneiro e corroborou o Goberno español a semana pasada
A Comisión de Investigación de Accidentes Ferroviarios (CIAF) rexeita desenvolver unha nova investigación para esclarecer o acontecido no accidente ferroviario do 24 de xullo de 2013 na curva de Angrois (Compostela). A decisión deste organismo adscrito ao Ministerio de Fomento chega após unha resolución do Tribunal Supremo (TS) e de diversas peticións nesta dirección das autoridades comunitarias.
