teatro

Trinta e oito espectáculos dos que 17 son estreas -nove absolutas e oito na Galiza- conforman o núcleo da 28ª edición do Festival Internacional Outono de Teatro (FIOT) en Carballo. Entre o 27 de setembro e o 1 de novembro, a cidade bergantiñá será a capital escénica do país. “O máis relevante da escena galega e estatal contemporánea, ademais de propostas internacionais chegadas de Portugal e Israel”, indica a organización.

O novo goberno municipal ourensán, froito dun pacto entre Democracia Ourensana e o Partido Popular, vén de lle retirar o apoio ao Festival Internacional de Teatro. Denúnciao a Asociación de Actores e Actrices de Galiza (AAAG) nun duro comunicado en que cualifica a decisión de “irresponsábel, lesiva e fondamente preocupante”.

O Festival de Teatro Galego (Fetega) do Carballiño fai tres décadas. Cinco compañías conformarán o groso da programación da edición número 30, do 2 ao 6 de setembro e que tamén inclúe monólogos, novo circo e animación de rúa. E que este ano amplía o seu nome: pasa a se chamar Festival de Teatro Galego Celso Parada.

Co espectáculo de rúa "Percebes de Ortegal", de Barafunda Animación arrinca hoxe a cuadraxésimo primeira edición da Mostra de Teatro Galego de Cariño, a decana do país. O acto de inauguración terá lugar ás 21.00 horas na praza do Concello e, no decorrer da mesma, faráselle entrega a Pablo Méndez do premio do público da edición anterior. O actor volverá pór en escena o espectáculo "Quimera". 

Mil vidas viviu Celso Parada (Moaña, 1958-Vigo, 2019), como un dos actores de referencia do teatro galego actual. Velaquí cinco obras chave nunha traxectoria de décadas que tamén atravesou cinema -A lingua das bolboretas (1999), de José Luis Cuerda, ou O ano da carracha (2004), de Jorge Coira- e a televisión: apareceu en Mareas vivas, Pratos combinados ou Libro de familia.

Actor, director, fundador do Teatro do Morcego e un dos imprescindíbeis da escena galega.

Xacobe García gañou a primeira edición do Premio Platta de Teatro Breve-Portugal coa obra A importância de chamar-se António. Este texto será publicado na colección Platta en galego, castelán e portugués dentro das actividades da Plataforma Transfronteiriza de Teatro Amador e será material de traballo das lecturas dramatizadas en tres linguas que terán lugar en Viana do Castelo no vindeiro mes de setembro .

O xurado destaca que é unha peza con humor acedo e que “funciona como metáfora da presión vital”.

O Premio do Público da XXXVI edición da Mostra Internacional de Teatro Cómico e Festivo de Cangas (MITCFC) recaeu na obra Electra, da Compañía do Chapitô. O espectáculo, que recibiu un 4,77 sobre 5, foi representada pola compañía portuguesa a pasada quinta feira, no Auditorio de Cangas.

A vida e obra de Amancio Ortega, tan silenciada e descoñecida alén do ditirambo habitual nos medios de comunicación dominantes, ben merecía un documental de investigación e interpretación. Algo así pensou a compañía Chévere cando, na tempada 2010-2011 presentou a impoñente Citizen, inspirada no imperio Inditex. Kalandraka edítaa agora en formato libro.

“Queremos ofrecer un programa diverso que garanta o dereito de todas as franxas sociais á arte escénica de alta calidade”. Eis o propósito explícito da Mostra Internacional de Teatro de Ribadavia, que do 18 ao 27 de xullo atinxe a súa edición número 35, cuxo programa anúnciase como “festivo, enérxico, diverso, galego, internacional, único e comprometido”.

A representación teatral gañou o premio de Innovación Educactiva 2019 da Xunta.

“A sombra das árbores é unha proposta teatral de corpo poético onde movemento e palabra cobran especial importancia. Preséntase como unha peza teatral aberta onde a dirección, xunto co grupo de actrices e actores, construirá desde ese non lugar un escenario simbólico poboado por un bosque de sombras”. Eis, sinteticamente, os argumentos do xurado do Premio Vidal Bolaño, que decidiu distinguir o traballo de Ana Abad de Larriva.

Apatacón é a compañía musical e teatral que Faia Díaz -coñecida polo seu labor vocal en Coro do Encaixe ou De Vacas- e a contadora Vero Rilo puxeron en marcha coa idea de “investigar os límites e puntos de encontro das súas disciplinas”. O sábado 18 de maio amosarán algúns dos seus resultados na casa museo Manuel María, de Outrieo de Rei.
 

Son os textos base da ultima montaxe do Centro Dramático Galego. Obra de Esther F. Carrodeguas e Roi Vidal Ponte, agrupados como Neorretranca e posmorriña, propoñen unha lectura humorista e aguda desde rexistros diferentes da “Galiza máis alá dos tópicos”. Así o explica quen dirixiu a montaxe, Gena Baamonde, no limiar ao libro das pezas publcado por Positivas e a Xunta.
 

O teatro anega Ourense esta primavera. Até o 11 de maio, unha trintena de espectáculos galegos, portugueses, cataláns ou de diferentes países de Sudamérica salfiren a cidade. É a 24ª edición da Mostra Internacional de Teatro Universitario de Ourense (Miteu).
 

Os XXIII Premios de Teatro María Casares repartiron galardón entre sete obras das 12 que aspiraban a algún dos recoñecementos. ‘Commedia’, de Contraproducións, e ‘Invisibles’, de Redrum Teatro, foron as pezas máis premiadas, con tres galardóns.