teatro

Vinte e seis compañías de Galiza, Arxentina, Chile, Francia ou Portugal encherán a programación da 22 edición de Galicreques, que comeza este sábado en Santiago de Compostela. Un desfile de xigantes e cabezudos pola cidade vella contra a unha do mediodía será a primeira das máis de 40 funcións da gran festa do monicreque.
 

Xa latexa a XXVI Edición do Festival Internacional de Outono de Teatro de Carballo (FIOT) e continuará co pulso firme até o 28 de outubro. Algo máis dun mes para gozar dun total de trinta e catro obras con tres coproducións, sete estreas absolutas e outras sete estreas na Galiza.

Seis xornadas repartidas entre esta e a vindeira fin de semana acollerán a segunda Mostra de Teatro Afeccionado Alter Ego de Rianxo. Lowcost por Shakespeare, da compañía compostelá Tolemia Teatro, abrirá o festival esta sexta feira, ás nove na sala Arcos Moldes do auditorio municipal. Nove obras completan o programa.
 

O xa veterano festival Galicreques, que transcorrerá entre o 14 e o 22 de outubro en Santiago de Compostela, vén de anunciar a concesión do seu premio á compañía andaluza de monicreques Etcétera. Con sede en Granada e dirixida por Enrique Lanz, 35 anos de traxectoria avalan a experiencia de Etcétera, que, segundo a organización de Galicreques, "sempre se caracterizou por abrir novos camiños na dramaturxia e na posta en escena".

Este mes fai 13 anos que morría un dos poetas máis populares de Galiza, Manuel María Fernández Teixeiro. E como cada cabodano, a fundación que acolle a casa natal do escritor en Outeiro de Rei celebra a súa memoria co festival Lúas de Outono, no teatro Rosalía de Castro da Coruña. Esta cuarta feira, ás 20.30 horas do serán, a compañía Lucecús representará A verdadeira historia do poeta Manuel de Paderna.  
 

A compañía Redrum Teatro ultima os detalles para próxima estrea de A canción do Elefante, que se estreará o día 6 de setembro no Festival Galego de Teatro do Carballiño. Este novo espectáculo dirixido por Alex Sampayo chegará á Compostela os días 13, 14, 15 e 16 de setembro.

Probablemente a compañía de teatro galego máis popular -e cun Premio Nacional na gaveta- está a celebrar os seus 30 anos. E faino recuperando tres espectáculos míticos: 'Río Bravo', 'Annus Horribilis' e a Ultranoite dos Ananos, que poderemos ver en xullo na cidade. 

Talía Teatro e o Centro Dramático Galego celebrarán o Día das Letras Galegas cunha aproximación escénica á novela de Carlos Casares, 'Os mortos daquel verán'. 

Despois d'A cabeza do Dragón' de Quico Cadaval, que esconxurou cun grande éxito o malfado do teatro galego con Valle-Inclán, o CDG estrea esta quinta feira no Salón Teatro 'Martes de Carnaval', a súa aposta polo clásico arousán que dirixe Marta Pazos. 

Quico Cadaval (Ribeira, 1970) vén de encher o Teatro Principal de Santiago durante tres días con A cabeza do dragón (Producións Teatráis Excéntricas), a primeira obra de Valle Inclán adaptada ao galego. Ten por diante unha intensa xira que levará o espectáculo por cidades e vilas do país e por Portugal. A acollida resultoulle satisfactoria. Admite estar aínda “esperando críticas". 

Foi o primeiro director do Centro Dramático Galego (CDG), dirixe desde hai 30 anos -canda Luma Gómez- Teatro do Noroeste e leva máis de 40 anos no mundo do teatro. Por todo iso e máis, Eduardo Alonso (Vigo, 1948) foi merecente do Premio de Honra Marisa Soto da Asociación de Actores e Actrices de Galicia. 

O Premio Rafael Dieste de textos teatrais incluirá a montaxe da obra gañadora, tal e como anunciou a Deputación da Coruña logo dunha xuntanza coa AELG.

Xa se coñecen todos os finalistas para os XXI Premios de Teatro María Casares, e as dúas obras que acaparan máis nomeacións son ‘O tolleito de Inishmaan’, de Cándido Pazó, que aspira a 11 galardóns, e ‘Eroski Paraíso’, de Chévere, que opta a 8. 

​Esta sexta feira chega a primeira representación de Valle-Inclán en galego, como consecuencia da liberación de dereitos e, polo tanto, a extinción da prohibición da familia. As funcións de 'A cabeza do dragón', dirixida por Quico Cadaval, serán os días 3,4,5,9,10 e 11 de marzo no Teatro Principal.

As funcións terán lugar no Teatro Principal, en Compostela, desde esta quinta feira até o domingo.

A AAAG fala de “descontento xeralizado” na profesión diante do proceso ao tempo que afirma que recibiu numerosas de reclamacións de asociados seus ao respecto de “presuntas irregularidades que se estarían a producir na selección de intérpretes”.