A asemblea de En Marea deixou a impresión, segundo Xosé Mexuto, de que no seo dese "conglomerado" de forzas políticas é Podemos quen marca territorio e quen marca axenda, nomeadamente após Beiras ter cedido na cuestión da forma de concorrencia ás novas xerais do 26 de xuño (o líder de Anova defendía que se fose como partido e se irá finalmente como coligazón, do mesmo xeito que o 20D).
A cesión é significativa porque afecta a unha cuestión central: as hipóteses de constituír grupo parlamentar. Sobre este asunto reflicte o director de Sermos na súa nova vídeo-columna.
