O paro decorrerá das 08:00 horas da sexta feira ás 08:00 horas do día seguinte e afecta a todos os departamentos, informan desde a CIG, que lembra que isto podería supoñer que ningunha destas cabeceiras estea nos quioscos o sábado, xa que a empresa conta con rotativa de seu o e persoal desta área tamén está chamado a secundar o paro.
En 2013 o grupo empresarial Editorial La Capital aprobou un ERE temporal que afecta á maior parte do seu cadro de persoal e que supuxo un recorte salarial para as traballadoras e traballadores de arredor do 30%. Esta situación repetiríase un ano despois, en xuño de 2014, cando a empresa presentou outra regulación temporal en condicións similares ao anterior.
Após estes dous EREs consecutivos, Editorial La Capital acaba de anunciar o seu plan para despedir a metade do cadro de persoal mediante un expediente de extinción, un ERE que se aplicaría en xuño
Atrasos no pagamento
A isto engádese que desde hai máis de un ano o persoal padece constantes atrasos no pagamento dos seus salarios e recortes dos dereitos laborais. Todo isto, sinala a CIG, sen que o grupo Editorial La Capital teña presentado ningún plan de viabilidade que garanta a continuidade dos empregos e dos propios xornais que publica.
Concentracións na Coruña, Ferrol e Vilagarcía
Diante desta situación, unha ampla maioría das traballadoras e traballadores do grupo decidiron ir esta sexta feira á greve e convocar concentracións.
A Coruña (El Ideal Gallego e DxT Campeón), concentración no Obelisco ás 12:00 horas.
Ferrol (Diario de Ferrol), concentración na Praza de Armas ás 11:00 horas.
Vilagarcía (Diario de Arousa), concentración ás 20:00 horas na Praza de Galiza.
Foto portada: Suso Bermello