O salario medio bruto fechou o ano 2023 na Galiza en 1.744 euros. Aínda así, as retribucións dos traballadores e das traballadoras por conta allea continuaron no país 170 euros por baixo da media do Estado. A Galiza foi a comunidade autónoma onde máis medrou o poder adquisitivo dos asalariados no período de 2018 a 2023.
O Instituto Nacional de Estatística (INE) presentou esta quinta feira o seu avance da Enquisa de Estrutura Salarial. O documento recolle que o salario bruto medio anual para Galiza no exercicio que analiza (2022) foi de 24.169 euros, é dicir, 2.779 euros ao ano por baixo da media do Estado. Nesa período, a baixada do poder de compra dos salarios situouse en 5,3%, malia rexistrar estes unha alza de 3,2%.
Tras a proposta da plataforma que concentra os sindicatos da Polícia de Segurança Pública (PSP) e asociacións da Guarda Nacional Republicana (GNR), que defende un aumento de case 600 euros, o primeiro ministro de Portugal, o conservador Luís Montenegro (Partido Social Democrata), subliñou a sexta feira que quere avanzar coas negociacións mais incidiu en que “non paga a pena alimentar a opinión pública con escenarios pouco realistas”.
