teatro

A representación o domingo no Festival de Almada (distrito de Setúbal, Portugal) de Manuela Rey is in da House, unha obra que rescata a incríbel biografía da actriz de Mondoñedo que se converteu en estrela do teatro portugués, inscríbese como unha páxina de honra na recuperación da memoria dos teatros galego e portugués e das súas relacións, ademais de debuxar un proxecto de cooperación sempre desexado. 
 

O dúo Robert Wilson-Lucinda Childs e o coreógrafo Josef Nadj regresan ao Festival de Almada para entregar reflexións sobre o tempo moi afastadas nos seus parámetros estéticos mais complementarias no que teñen de discurso sobre a fraxilidade da existencia.

O activo máis importante de calquera festival, máis aló dos espectáculos programados e dos cartos dispoñíbeis, é a xente que ten detrás traballando. No caso da Mostra Internacional de Teatro Cómico e Festivo de Cangas o equipo humano está capitaneado por María Armesto, unha muller todoterreo vencellada a este festival desde o ano 1998. Dramaturga e directora de escena, foi unha das impulsoras das xornadas Mulleres en Acción, que o ano que vén celebran o 25 aniversario. Entrevistamos a María Armesto, directora artística da Mostra Internacional de Teatro de Cangas desde 2014, para analizar o que pasou na 41 edición que acaba de rematar, para falar de teatro, botar a vista atrás e ver para adiante.

Como era inevitábel, a conmemoración dos 50 anos da Revolución de Abril infiltrouse no programa do Festival de Almada, propiciando unha mirada que non é só retrospectiva, senón que visa a analizar o presente e o futuro dunha utopía soñada desde o teatro.

A cidade do Lérez acollerá entre o 15 e o 21 de xullo outra edición de Titirivedra. Tanxarina representará a aclamada 'Titiricircus'.

Gena Baamonde dirixe xunto con Andrea Quintana 'Ruar', a nova proposta da compañía VACAburra para a rúa e espazos non convencionais. Nela, Andrea e Davide González redescobren o espazo público e déixanse sorprender polo que acontece neste.

O Centro Dramático Galego presenta, o día 14, o espectáculo 'Manuela Rey is in da House'.

Violencia de xénero, colonialismo e racismo na nova versión de Feísima enfermedad y muy triste muerte de la reina Isabel I, de La Calórica

Nesta oitava edición do Torneo combateron Borja Fernández, Cris Balboa, Gustavo del Río e Teresa González Costa.

Berta Ojea (A Coruña, 1964) lembra a memoria de María Casares, utilizando a biografía realizada por Anne Plantagenet como pano de fondo, na Mostra de Teatro de Cangas. Esta biografía, 'A única. María Casares', foi traducida ao galego no ano 2022 e publicada por Kalandraka.

David Roldán Oru e José Luis Montiel imparten estes días o obradoiro O corpo escénico. Taller intensivo de máscaras pedagóxicas. Ao longo de tres días, estes dous ‘actores do físico’, como eles mesmos se definen, traballarán cun grupo de 15 persoas para facerlles entender a primacía da xestualidade corporal sobre a expresión verbal, priorizando a linguaxe non verbal e física sobre a palabra.

A compañía Nao d'amores abriu a Mostra de Cangas deste ano cunha revisión dunha obra de Calderón de la Barca pouco coñecida e apenas representada.

Isabel Rei Pousada, integrante da histórica compañía Os Monicreques de Kukas, recibirá o Premio Unima Galiza

Durante a tarde da segunda feira, 1 de xullo, representáronse varios espectáculos de compañías non profesionais de teatro de toda Galiza.

Cangas acolle a Mostra Internacional de Teatro Cómico e Festivo. A Mostra Internacional de Teatro Cómico e Festivo de Cangas (MITCFC) comezou xa a súa segunda semana e estenderase até o domingo. Nunha edición máis, a asociación cultural Xiria volve encher diversos espazos da vila do Morrazo co teatro máis variado e contemporáneo da Galiza.

Hoxe reciben o premio Xiria áo Labor Teatral polo seu espectáculo ‘Helen Keller. A muller marabilla?’. Son seguramente a compañía de teatro máis coñecida na Galiza e os seus proxectos acostuman a cuestionar as narrativas oficiais. Coa obra premiada, Chévere buscar chegar a máis xente. Quere facer algo para o público eternamente esquecido nos patios de butacas: a xente xorda, cega e xordocega. Patricia de Lorenzo, Chusa Pérez de Vallejo e Ángela Ibáñez suben ao escenario para contar a historia de Helen Keller. Nacida en Tuscumbia (Alabama), convértese nunha celebridade mundial ao ser, segundo as fontes oficiais, a primeira persoa xordocega en obter un título universitario en 1904 en Harvard. 

A traxectoria vital e artística da actriz María Casares (A Coruña, 1922- Alloue, Francia, 1996) centra a palestra que ofreceu a actriz galega Berta Ojea en Cangas dentro da programación das XXIV Xornadas Mulleres en Acción. "Era unha intelectual enorme”, afirma Berta Ojea, que auspiciou a publicación na editorial Kalandraka do libro ‘A única, María Casares’, da autora francesa Anne Plantagenet, con tradución de Isabel Soto.

Esta quinta feira 27 de xuño comeza oficialmente a 41ª edición da Mostra Internacional de Teatro Cómico e Festivo de Cangas. O pregón da actriz Patricia Vázquez dará inicio a dúas semanas en que toda a vila do Morrazo se transformará nun grande escenario. 
 

Ao longo de cinco días estudantes de distintas disciplinas reúnense e desenvolven proxectos de creación artística