entrevista

O nome de Begoña Fernández (Vigo, 1980) era sinónimo de liderado cando saltaba á pista de balonmán, pero tamén o é a día de hoxe no seu traballo de auxiliar de enfermería, no que emprega os valores e coñecementos que adquiriu ao longo dunha traxectoria deportiva que tocou teito coa medalla de bronce en Londres '12.

O caderno de verán 'Máis', que acompaña 'Nós Diario', achega desde a terza feira 16 de xullo ao sábado 20 o relato inédito A derradeira falante de galego que Paula Carballeira escribiu en exclusiva para este xornal. A través de cinco entregas, a escritora relata unha distopía lingüística enmarcada polo uso da intelixencia artificial (IA) e a importancia dos relatos orais.

'A soidade do inquisidor' (Xerais, 2024) é a terceira novela de Alberte Blanco Casal (Cobres, Vilaboa, 1951). Como en anteriores obras, mantén a tensión entre a historia e a ficción, dúas dimensións que lle serven de vehículo a preocupacións que aborda tamén en ensaios como o aínda recente Xeopolítica, pandemia e poscapitalismo (Xerais, 2021), e dos que fala nesta conversa fronte ao mar de Bueu.

Hugo Guezeta (Ponteareas, 1991) prepara a saída do seu próximo disco coa publicación de sinxelos como "O noso tempo" ou "Feridas". Neste caso o traballo conta coas súas letras e composicións e as bases instrumentais e a produción musical corren por conta de Peter Petrowski. As primeiras datas de presentación do traballo están marcadas para o mes de decembro deste ano.

O nome da coruñesa Sofía Toro (1990) forma parte do acervo deportivo común dos e das galegas por ser a primeira muller -honra que compartiu coa ourensá Támara Echegoyen- en gañar unha medalla olímpica, un ouro en vela nos Xogos disputados en Londres no ano 2012.

O remeiro Rodrigo Conde (Moaña, 1997) renunciou aos Xogos Olímpicos de Toquio polas dificultades, físicas e psicolóxicas, para manter o peso requirido para competir no dobre scull lixeiro. Agora terá unha nova oportunidade en París, onde chega co aval dunha prata no Europeo deste ano en Szeged (Hungría) e un bronce na Copa do Mundo de Lucerna (Suíza), agora loitando na categoría absoluta da man do catalán Aleix García.

Tamara Andrés (Combarro, Poio, 1992) é a autora do recentemente publicado Para non concretarme (Edicións Positivas), unha obra creada en movemento para convidar a quen le a xogar, a indagar no poema e na linguaxe e a admirar a beleza pasaxeira.

Samuel Merino, 'Pompa e Boato' (Mos, 1982), pon a súa voz, xunto con Silvia Penas, no espectáculo poético 'Man a man', presentado na Feira do libro de Vigo e no que ambos recollen as súas creacións tanto individuais como conxuntas. Este 'Man a man' estará mañá nos Versos na Barraca en Lugo e ademais Merino presentará o domingo o seu último poemario, Claustro Corda comensal (Galaxia), na Feira do libro de Ponteareas.

Marta Bobo (Ourense, 1966) é historia viva do deporte galego. Ximnasta rítmica, con apenas 18 anos converteuse en 1984 na primeira muller galega en participar nuns Xogos Olímpicos, onde as malas artes da organización estadounidense impedíronlle volver cunha medalla colgada do pescozo.

Gena Baamonde dirixe xunto con Andrea Quintana 'Ruar', a nova proposta da compañía VACAburra para a rúa e espazos non convencionais. Nela, Andrea e Davide González redescobren o espazo público e déixanse sorprender polo que acontece neste.

O XVI congreso da Unión do Povo Galego (UPG) decorrido este domingo en Compostela reelixiu Néstor Rego como secretario xeral. Rego explica a 'Nós Diario' as principais conclusións do proceso congresual así como as liñas de actuación inmediatas do partido nun momento chave para o nacionalismo.

Non hai temporal que quebre o compromiso de Tareixa Navaza (Compostela, 1947). Non o lograron as represalias padecidas pola súa postura no traslado dos restos de Castelao ou na reconversión do naval, nin tampouco o cancro de colon contra o que levaba meses loitando. Pregúntolle como se atopa e mergúllase nunha defensa apaixonada da sanidade pública. Para ela, o colectivo está sempre por riba do individual. É, sen dúbida, a gran pioneira do xornalismo galego, pero non polos anos de experiencia, senón polo exemplo.

Josune (Itziar, Euskal Herria, 1996), cantante de Huntza até a súa disolución, preséntase agora como Süne, un proxecto en solitario co que estará mañá no festival Asalto ao Castelo de Vimianzo presentando o primeiro sinxelo do seu próximo disco, Lau korapilo. Este concerto será o único que dea a artista durante este ano fóra de Euskal Herria.

A taekwondoin Natalia Vázquez (Boiro, 1995) compatibiliza as competicións absolutas coa dirección do parataekwondo nacional, modalidade practicada por persoas con diversidade funcional que considera "unha gran maneira de involucralas na competición nunha contorna segura".

Emilio Bruquetas (Compostela, 1974) foi o elixido para liderar como conselleiro delegado Recursos da Galiza (RDG), a sociedade público-privada impulsada pola Xunta da que a Administración posúe 30% dunha propiedade cuxo 70% se reparte entre unha trintena de empresas como Abanca, Ence ou Finsa. RDG nace cun capital social inicial de 15 millóns de euros e o obxectivo de participar de diferentes proxectos enerxéticos e mineiros para garantir que os beneficios "repercutan no territorio galego".

Berta Ojea (A Coruña, 1964) lembra a memoria de María Casares, utilizando a biografía realizada por Anne Plantagenet como pano de fondo, na Mostra de Teatro de Cangas. Esta biografía, 'A única. María Casares', foi traducida ao galego no ano 2022 e publicada por Kalandraka.

David Amoedo (Vigo, 1984) é un dos impulsores da iniciativa Beiramar da xente, en colaboración con integrantes de Amigas das Árbores, Anxo Vila (AV Curva de San Gregorio), Mariña López (Museo da Conserva) e Puri Pérez Leiros (Bouzas olladas salgadas). O seu obxectivo é conservar o patrimonio industrial do polígono Beiramar-Jacinto Benavente (Vigo).

Rafael García é o autor de Outubro 1934 en Compostela. Mobilización, consecuencias políticas e represión, a obra galardoada co XXVIII Premio Vicente Risco de Ciencias Sociais, convocado pola Fundación Vicente Risco.

Bichara Khader, (Zababdeh, Palestina, 1944) é profesor emérito da Universidade de Lovaina (Bélxica), un dos maiores especialistas do mundo árabe contemporáneo e investigador asociado do Instituto Galego de Análise e Documentación Internacional (Igadi). Vén de presentar na Galiza 'Palestina: A traxedia permanente (1948-2024). Unha chamada para espertar Europa'.

O investigador e colaborador de ‘Nós Diario’ recibiu este domingo o Premio Freire Carril 2024, que lle foi entregado pola súa extensa traxectoria como arqueólogo e director do Museo Arqueolóxico da Coruña pola Asociación Agromadas, da parroquia ourensá de Seixalbo, que distingue cada ano ás entidades ou persoas que na Galiza desenvolven labores a favor da comunidade social e que abarca os aspectos referidos á participación na vida comunitaria, a profundar na democracia e na vida cultural galega.