entrevista

Gabriel García Calvo (@gabiiig8) ten máis de 85.000 seguidoras e seguidores na súa conta de Instagram e máis de 75.000 en TikTok. Este mestre de Infantil conquista diariamente milleiros de persoas cos seus vídeos.

Belén Puime despuntou coa súa produción 'Pringadas', recoñecida en 2021 co premio Mellor Webserie do Carballo Interplay. ‘Xeración Alfa’ conversa con Puime sobre a industria dixital.

Coincidindo coa festa das Letras, o Concello de Compostela deu a coñecer unha declaración aprobada no Pleno municipal por unanimidade na que reedita o seu compromiso co galego. Durante o mesa de maio, a lingua gañou presenza e calidade na cidade a través das achegas da revista xuvenil 'Xeración Alfa', dirixida á mocidade.

Silvia Penas (Vigo, 1980) gañou neste mes de maio tres premios: o Follas Novas polo seu poemario Retratos de vodas, partos e funerais (Galaxia); o Premio de Poesía do Concello de Carral co poemario A pel do exilio (que será publicado en Espiral Maior), e o Premio aRi[t]mar a Mellor Poesía do Ano 2023 na Galiza por “Canto segundo para un fillo non nado".

A semente dunha novela vive na cabeza de Rosa Aneiros (Valdoviño, 1976) máis tempo do que precisa a cebola para agromar na terra. As ideas que non fican son como a mala herba que, xa di seu pai, hai que desbotar por moito que innove a horticultura de internet. Del debeu aprender que se queres alcanzar un bo produto tes que mimar cada detalle, e por iso consegue de novo que n'A noite das cebolas (Xerais) sexa tan importante o devir da historia como cada palabra escollida para contala, e que o pouso perdure como a cebola no ceo da boca.

Russ (Compostela, 1991) é o nome artístico de Marta Gilino, DJ e produtora que estará pondo o broche final ao Festival Plataforma mañá na sala Riquela da capital galega alternando entre a música para a escoita e a música para a pista de baile. 

José Manuel Fernández (Ourense, 1968) é o coordinador do equipo de dinamización lingüística no Conservatorio Superior de Música de Vigo e foi o encargado de organizar o concerto en homenaxe a Luísa Villalta polo Día das Letras Galegas no auditorio deste centro.

O Muay thai é unha arte marcial que comezou a ser coñecida por estas latitudes a partir da popularización a finais dos anos 80 de películas de acción como 'Bloodsport', pese a que as súas orixes remóntanse á Tailandia do século XIII. Alí, entre mestres e mestras locias, vén de brillar a pontevedresa Erika Abilleira (2004).

Cristina Rommel (Bos Aires, Arxentina, 1978) é escultora especializada no figurativo e abstracto, utilizando diversos materiais segundo as necesidades que presente cada obra. Rommel é alemá e arxentina e mais galega, reside en Domaio (Moaña). É a autora da escultura do editor e ex alcalde nacionalista de Compostela asasinado polo franquismo, Ánxel Casal, situada diante da biblioteca da capital galega que leva o seu nome. Cristina Rommel está a expor en O Grove, Vigo, A Coruña e Madrid.

Sabela, Aida e Olaia son os nomes propios detrás de Tanxugueiras e, tras un ano de emocións, de encher o Coliseum da coruña e do éxito dos novos temas, falamos con Olaia sobre música e tradición.

María Canosa vén de publicar 'Luísa Villalta. Melodía de Palabras'. Unha obra coa que reivindicar a figura homenaxeada nestas letras galegas e achegarse a toda a súa complexidade coa música como protagonista.

Julio Alonso Monteagudo (Redondela, 1969), investigador e profesor asociado na Universidade de Vigo, vén de presentar a súa tese, 'Música e identidade galega. Do baile da gaita á muiñeira (s. XVII-XIX)', na que analiza o aspecto máis humano e social da música.

'Nós Diario' conversa con Juan López Bedoya, doutor pola Universidade Nacional de Cuyo (Mendoza) e investigador pola USC na área de xeomorfoloxía, sobre o estado de conservación dos sistemas dunares na Galiza.

En menos dun ano Uxía Senlle (Sanguiñeda, Mos, 1962) vai cumprir os seus 40 anos de carreira musical. Querida nos palcos galegos e de medio mundo, a súa voz e a súa presenza foi pioneira cando eran moi poucas as mulleres no panorama musical galego, algo do que non presume pero que debe constatarse porque foi un exemplo que felizmente se multiplicou até hoxe. Promotora de espectáculos e de grupos, con iniciativas tan singulares como Malvela, os festivais Cantos na Maré ou a marabilla de María Fumaça, Uxía, repasa a súa traxectoria mentres paira na memoria dos que xa ouviron o Alalá das Mariñas cos que sempre finaliza os seus concertos.

David Santos (Vigo, 1980) é un dos integrantes de Leira Papaia, ao contrabaixo e nas voces, xunto con Pablo Riveiro (guitarra, trompeta e voz principal) e Elena Vázquez (violín e voces). A formación mestura de maneira orixinal as cantigas galegas cos boleros e outros estilos tropicais e está a piques de publicar os seus últimos temas.

Marcela Porto (Codeseda, A Estrada, 1997), batería de A Banda da Loba, aborda o último tema publicado polo grupo, "E o mar". Nel, Porto e as súas compañeiras, Andrea, Estela, Inés e Xiana, reivindican a Luísa Villalta máis combativa e renden homenaxe ao pobo galego e á súa loita contra os desastres medioambientais na costa.

Rosalía Fernández Rial gañou onte o VII Premio Vidal Bolaño por Fóra de campo. A recoñecida escritora é filóloga, doutora en Didáctica das Linguas, mestra en Cabana de Bergantiños e vén ademais de publicar Mover ficha (Galaxia), no que propón un ensino activo e comunicativo, no que convivan a lingua e a literatura coas distintas artes.

Soledad Felloza (Paysandú, Uruguai, 1974), actriz e dramaturga, é a responsábel, xunto coa violinista Irina Gruia, de 'Tres mulleres na escuridade', un espectáculo no que dialogan con Luísa Villalta. O encontro, musical e poético, chega hoxe á Biblioteca Ánxel Casal (Compostela).

Antía Vázquez (Oleiros, 2002), pon a voz, os ferriños e a pandeireta en Alana, banda que integra con Eloy Vidal (guitarra, teclado, baixo eléctrico e produción musical) e Pablo Castro (bombo, tamboril, prato, lata e gaita). O trío comeza a xira de presentación do seu primeiro disco, 'O xeito á cántigha'.

Antía Chamosa comezou no atletismo na súa cidade, Pontevedra, aos sete anos. En 2022, debutou no Campionato de Europa absoluto. En abril, con 24 anos, gañou o bronce no mundial de marcha por equipos.