entrevista

O reputado economista británico Michael Roberts visita esta semana Galiza, unha viaxe na que, ademais de ter reunións e conferencias, aproveitou para dialogar con 'Nós Diario' sobre a actualidade económica a nivel mundial, nun momento no que a incerteza sobre o futuro, segundo salienta, "é moi seria".

Manuel Vázquez (Valonga, Pol, Lugo, 1968), celador de urxencias, vén de ser recoñecido co premio Eduardo Pondal de Poesía, convocado pola Editorial Medulia, pola súa obra 'Maldita eternidade'.

Susana Sanches Arins, (Vilagarcía de Arousa, O Salnés, 1974) foi galardoada co premio Follas Novas de Narrativa por 'Cinco corujas' (Através Editora), unha obra a medio camiño entre o relato e a poesía cunha estrutura de fábula e múltiples capas de lectura.

Clara Pino (Vigo, 1972) é profesora de Música no IES da Pobra do Caramiñal e arpista. Con cinco discos gravados e un poemario editado pola Editorial Elvira, 'Fenómeno Fan', a súa vocación polas artes flúe entre o escenario e as aulas, onde reclama consolidar as materias artísticas e de humanidades que os centros suprimen como optativas.

Germán Estévez (Iruña, 1982) é o creador e condutor de Galiportus, un podcast de contidos que busca pór en valor a relación entre a Galiza e Portugal tratando diversas cuestións que afectan e interesan a ambos os países.

O escritor Euloxio R. Ruibal (Ordes, 1945) vai recibir o día 15 xuño en Compostela o premio O Escritor na súa Terra-Letra E, que concede desde hai 25 anos a Asociación de Escritoras e Escritores en Lingua Galega. En Ruibal, que presidiu hai anos a AELG, recoñécese "toda unha vida de dedicación á escrita dramática". O homenaxeado percorre connosco a súa dedicación á arte dramática que chanta as súas raíces xa na infancia.

Afra Torrado (Bamio, Vilagarcía de Arousa, 1997) vén de recibir o Premio Follas Novas por 'Fago o que podo' (Roberto e Priscilla), unha obra de banda deseñada na que recolle os traballos e debuxos que foi realizando desde 2018 até o pasado ano arredor das súas propias experiencias no traballo, o amor e a vida en xeral.

Ana Miranda Paz (Cuntis, 1971) aspira a revalidar o seu escano como eurodeputada do Bloque Nacionalista Galego (BNG) nas eleccións ao Parlamento Europeo deste domingo 9 de xuño. A nacionalista asegura que na súa maleta, que fai innumerabéls viaxes entre Vigo e Bruxelas, "vai sempre toda Galiza".

A Asociación Rapa das Bestas afronta nun mes a celebración da súa festa, do 5 ao 8 de xullo. As aloitadoras e os aloitadores baixarán do monte 350 bestas cara aos curros de Sabucedo (A Estrada, Tabeirós-Terra de Montes). Mais a celebración este ano vén marcada pola “invasión eólica”, din. Este sábado, a asociación xunto a colectivos veciñais protestarán contra os proxectos eólicos Xubrintas e Alamaceiros, que ameazan, din, o corazón da tradición galega.

Anxo Xoán Rajó (Vigo, 1973) asina Luísa Villalta. A música e a poesía na mesma persoa (Ir Indo), unha biografía realizada a través de investigación bibliográfica e de entrevistas ás persoas que coñeceron a homenaxeada no Días das Letras Galegas deste ano. 

Hai dous meses entrevistabamos a nadadora sincronizada Daniela Suárez. Esta cuarta feira, é a quenda doutro deportista galego nado no ano 2008 que promete dar moito que falar en anos vindeiros, o oleirense Raúl Couto, que acumula medallas internacionais na patinaxe de fondo.

Xosé Lois Romero (Mera, Oleiros, 1970) é o creador da música orixinal para o espectáculo 'Manuela Rey is in da house' e que agora publica en forma de disco.

Rosalía Fernández Rial (Muxía, 1988) é a autora de 'Fóra de campo', a obra teatral galardoada co VII premio Vidal Bolaño, convocado polo Concello do Porriño, o instituto de secundaria Ribeira do Louro e a Editorial Galaxia.

Andrew Finkelman (Portland, Estados Unidos, 1999) e Lola Saunigo (París, Francia, 1997) dirixen e producen A morte do último alcalde franquista, un filme que foi presentado no Festival de Cans (O Porriño).

Cunha extensa obra e consolidada como a escritora galega de máis vendas e traducións, Ledicia Costas (Vigo, 1979) publica 'Pel de cordeiro' (Xerais, 2024), unha novela para adultos que vendeu 3.000 exemplares en tres semanas e na que profunda no tema da bruxería tan querido e presente en toda a súa obra, "desde moi cativa me interesou e agora por fin chegou o momento de destilar toda esa reflexión".

Cesáreo Sánchez (Dadín, O Irixo, O Carballiño, 1951), como presidente da Asociación de Escritoras e Escritores en Lingua Galega (AELG), participou esta semana en Palma (Illes Balears) no encontro da federación Galeusca, cuxa anterior reunión tivera lugar en 2014. 

O PSdeG confía en que o lalinense Nicolás González Casares renove este 9 de xuño o seu o escano no Parlamento Europeo. Quere voltar a Bruxelas reivindicándose como un eurodeputado que lexislou e que mudou cuestións fulcrais. Nesta entrevista, 'Nós Diario' aborda co candidato socialista, entre outros temas, o proxecto de celulosa de Altri na Ulloa. González Casares ve “moi complicado” que a pasteira portuguesa reciba fondos europeos de produciren danos ambientais. 

Roberto López (A Coruña, 1977) vén de publicar o seu primeiro poemario, 'O cantar das miñocas' (Medulia), unha obra que pretende chamar á reflexión sobre a relación dunha sociedade globalizada e urbana coa natureza e a vida no rural.

Óscar Penín (Os Brancos, A Limia, 1978) é o creador de 'Pratea', un mapa literario da Vía da Prata, dispoñíbel en pratea.gal para móbil, tablet ou ordenador en catro idiomas: galego, español, inglés e portugués.

Ana Moas (1995), vocalista; Alba V. Burke (1992), teclados e programacións; Pablo Agra (1994), guitarra, programacións e coros; e Pablo Pazos (1991), baixo eléctrico; integran a banda noiesa Carabela, coa que están a piques de publicar o seu segundo EP, 'A noite'.